Амьдралын үндэс нь хоол

Зөв хооллох элдэв аргаас эхлээд төрөл бүрийн витамин, хоолны нэмэлт хэрэглэхийг уриалан албадсан худалдааны сурталчилгаан дороос толгой өндийх боломжгүй өнөө цагт энэ талаар бодох ч заримдаа төвөгтэй санагддаг.

Энэ ном таньд огт өөр зүйлийг хэлнэ. Хүн юу иддэг, тэр нь ямар учиртайгаас эхлээд амт гэж юу болох, яагаад сайхан амтагдан таны дуршлыг татдагийн учрыг тайлбарлана. Сүүлийн үед биднийг айлгах хэрэгсэл болсон "Генийн өөрчлөлттэй хүнс" ямар учиртайг ч бодитойгоор хэлээд өгнө. Ямар хоол сайн болох, яаж хооллох зөв гэдгийг номлож зүдрээхгүй, аль нэгэн зөв сайн хоолыг ид гэж албадахгүй. Зүгээр л хоол хүнсний учир шалтгаан, хэрэгцээ нөлөөг энгийн үгээр тайлбарлажээ.